Қизларимиз жаҳон чемпионати йўлланмасини қўлга киритишди
Кореянинг Пёнгчанг шаҳрида стол тенниси бўйича жамоавий 26-Осиё чемпионати давом этмоқда.
Мусобақада иштирок этаётган Ўзбекистон аёллар терма жамоаси минимал вазифани бажариб, 2024 йилда Кореянинг Пусан шаҳрида ўтказиладиган жамоалар ўртасидаги жаҳон чемпионатида иштирок этади.
Спортчиларимиз гуруҳ босқичида Шри-Ланкани 3:0, Филиппинни 3:0 ҳисобида мағлуб этишди. Бироқ чорак финалга чиқиш ўйинида Қозоғистон терма жамоасига 0:3 ҳисобида имкониятни бой беришди.
Қизларимиз чемпионат якунларига кўра 10-ўринни эгаллашди. Ушбу натижа стол теннисчи қизларимиз учун ЖЧ йўлланмаси учун етарли бўлди.
2024 йилги жаҳон чемпионати 16-25 февраль кунлари ўтказилади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter