Раньери Италия терма жамоасини бошқаришдан бош тортди
«Рома» бош мураббийлигини яқинда тарк этган Клаудио Раньери Италия терма жамоасини бошқаришдан бош тортди.
«Италия футбол федерацияси президентига берилган имконият учун миннатдорчилик билдираман, бу катта шараф. Аммо мен ўйлаб кўрдим ва «Рома»даги янги ролимга содиқ қолишга қарор қилдим,» - дейди мавсум якунлангач, «Рома» хўжайинларининг маслаҳатчисига айланган 73 ёшли Раньери.
Раньери 2024 йилнинг ноябрида, мураббийлик фаолиятини якунлаганини эълон қилганидан бир неча ой ўтиб, учинчи марта «Рома» бошқарувини қўлга олганди. Натижада жамоа мавсумни бешинчи ўринда якунлади.
Мутахассис фаолияти давомида «Челси,» «Атлетико,» «Интер,» «Монако» ва бошқа клубларда ишлаган. 2016 йилда «Лестер» билан Англия чемпионлигини қўлга киритган.
Маълумот учун, 8 июнь куни Италия терма жамоасини 2023 йил ёзидан буён бошқариб келаётган Лучано Спаллетти истеъфога чиққанди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter