«Реал» мухлисларининг ҳафсаласи пир бўлди
«Реал» мухлислари Англиянинг «Ливерпул» клубига қарши ўтказиладиган УЕФА Чемпионлар лигаси финал ўйинига сотиб олган 2200 дан ортиқ чипталарини қайтариб беришди.
«Lenta.ru»нинг хабар беришича, Киевдаги логистика ва жойлашув муаммоси, нархларнинг сунъий ошириб юборилиши мадридликларнинг ҳафсаласини пир қилган.
Таъкидланишича, аввалига «Реал»нинг 24 268 нафар доимий мухлиси финални стадионда кўриш истагини билдирган, клуб эса 12 802 дона чиптани улар ўртасида тақсимлаганди.
Аммо май ойи бошларида Киев меҳмонхоналари Чемпионлар лигаси финали арафасида нархларни ошириши ҳақидаги хабарлар пайдо бўлди. Энг қиммат меҳмонхона хонаси саккиз минг еврогача чиқиши айтилди. Британ журналистлари эса икки кечага Киев меҳмонхонасини банд қилиш 1,5 минг фунтдан (1,7 минг евро) 11 минг футгача (12,5 минг евро) туришини ёзишганди.
Эслатиб ўтамиз, финал 26 май куни Киевнинг «Олимпийский» стадионида бўлиб ўтади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter