Трамп айни кунларда Эрон билан музокаралар “яхши кетаётгани”ни билдириб, яқин орада тарихий келишув имзоланиши мумкинлигини айтди.

Исроил президенти Исхак Герцог Қозоғистонга расмий ташриф билан келди. Астанада уни президент Қосим-Жўмарт Тўқаев расмий маросим билан кутиб олди. Учрашувда томонлар икки давлат делегациялари аъзоларини таништирди, давлат гимнлари янгради.

Яқин Шарқдаги кескин вазият фонида Исроил бир қатор минтақавий давлатлар билан, жумладан ҳали расман дипломатик муносабатлар ўрнатилмаган мамлакатлар билан ҳам, ёпиқ ва интенсив музокаралар олиб бораётгани маълум бўлди. Бу жараёнда АҚШ фаол иштирок этмоқда ва мулоқотлар Иерусалим, Ар-Риёд, Байрут каби бир нечта марказларда параллел тарзда давом этяпти.