Суратдаги йигит – Бахтиёр Ашуров. 1990 йили Бухоро вилояти Жондор туманида туғилган.

Отаси оғир хасталика чалингач, ижара уйни тарк этишига тўғри келган ва оиласи билан қишлоққа кўчиб кетган. У ҳар куни 45 километр йўл босиб ишга қатнайди. Туризм ривожига қўшаётган ҳиссаси учун пул берилмайди.

Бухоронинг эски шаҳар қисмида муаллақ турувчи дарвеш қисқа фурсатда машҳур бўлди. Кўплаб сайёҳлару меҳмонлар бунга катта қизиқиш билдирдилар, унинг ёнида расмга тушдилар. Фотосуратлар ОАВда, ижтимоий тармоқларда тарқалиб кетди. Қуйида ушбу дарвеш қиёфасидаги актёр билан уюштирган суҳбатимизни ҳавола этамиз.

Айримлар фош қилувчи суратларни қолдиришган, бу аттракцион сирини очувчи видеолавҳаларни ҳам жойлаштирганлар ва ҳатто ўзлари ҳам бу ишни қилишлари мумкинлигини исботлашга уринганлар.