Темурийлар хилхонаси очилишида олиб қолинган буюмлардан айримлари музейларимизда сақланади. Улар ҳақида бугунгача айтилмаган, лекин айтилиши керак, шарт бўлган гаплар бор... 

Амир Темурнинг жасади кўринди. Атрофда турганлар ҳаяжон билан қабр ичига қарадилар, шу пайт атрофни қандайдир хушбўй ҳид қоплади. Бу ерда турганлар ҳидданми ё ҳайратдами, ўзларини бирданига орқага олдилар.

Амир Темур ўлканинг гоҳ у ­жойида, гоҳ бу жойида душманга қарши курашиб, кўп жафоларни кўрди. Ҳатто у бир неча бор ҳалокат ёқасига келиб қолди. Шунга қарамай, озодлик ғояларидан бир қадам ҳам чекинмади.

Франсуа Миттеран ўлими яқин эканлигини билар эди. Икки йилдан озроқ умри қолган бир пайтда у Самарқандни кўришни хоҳларди. Шу сабабли республика президентининг орзусидаги саёҳатни амалга ошириш учун сафар «давлат ташрифи»га айлантирилди. 1994 йил апрелнинг охирларида Франсуа Миттеран Ўзбекистонга учиб келди.