100 йил илгари қирилиб кетган халтали бўрини тирилтиришмоқчи. Қандай қилиб?
Тасмания бўриси.
Олимлар қарийб 100 йил илгари қирилиб кетган халтали бўри (Тасмания бўриси, тилацин, Thylacinus cynocephalus)ни тирилтиришмоқчи.
Бунинг учун энг аввало австралиялик генетиклар Colossal Biosciences компанияси билан ҳамкорликда қирилиб кетган халтали бўрининг геномини тиклашларига тўғри келади. Сўнгра у семиздум халтали сичқон (Sminthopsis crassicaudata) геноми билан қиёслаб ўрганилади — айнан ушбу тур Тасмания бўриларига энг яқин қариндош бўлган, деб ёзмоқда CNN.
Фото: Wikipedia
«Сўнгра биз бу сичқоннинг тирик ҳужайраларини олиб, халтали бўриникидан фарқ қиладиган барча ДНК қисмларини таҳрирлаб чиқамиз. Оддий тил билан айтганда, сичқон ҳужайраларини бўри ҳужайраларига ўзгартирамиз», — деди генетик Эндрю Паск.
Таҳрирланган ҳужайралардан эмбрион шакллантирилиб, сунъий бачадонга жойлаштирилади ёки суррогат тур организмига имплантация қилинади. Биринчи халтали бўрилар 6-10 йилдан кейин дунёга келиши кутилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter