«LG» 16 камерали смартфон чиқаради
Битта смартфонга нечта камера керак? «Apple»нинг назарида битта, нари борса иккита. Бу фикрга қўшилмаган «Samsung» камераларни тўрттагача етказди. Кейин «Nokia» беш камерали смартфон чиқараркан деган миш-мишлар урчиганда кўпчилик буни ҳазилга йўйганди. Энди ҳазил билан чинни фарқлаб бўлмай қолди — «LG» 16 та камерали смартфонга патент олганидан сўнг. Ўн олтита камера! Смартфон учун? Йўғ-ей?!
Патентда корейс компаниясининг турли фокус масофали ва хусусиятли 16 объективли қурилмаси тавсифланганган. Бунча камера жуда кўп эмасми? Шундайку-я, аммо тавсифномада бунча камералардан нима мақсадларда фойдаланиш ҳам кўрсатилган. Масалан, тугмасини битта босишда 16 та камера бирваракайига суратга туширади. Энг яхшисини ўзингиз танлаб олаверсиз — мана, гап қаерда.
Патентда келтирилишича, ҳар хил суратларнининг ҳар хил жойларини бирлаштириш, панорама қилиш, «юзларни алмаштириш», селфи олиш мумкин экан.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter