Ўзбекистонликлар ChatGPTдан кўра Claudeга кўп пул сарфлашмоқда
Солиқ қўмитаси маълумотига кўра, ўзбекистонлик фойдаланувчилар сунъий интеллект моделлари орасида ChatGPTдан кўра Claudeга кўп пул сарфлашмоқда.
2026 йилнинг дастлабки олти ойида юртдошларимиз Claude (Antrophic)га 53 млрд сўм, ChatGPT (Open AI)га эса салкам 47 млрд сўм тўлов қилишган.
Технология компаниялари орасида Ўзбекистондан энг кўп даромад олаётганлари — Apple, Google ва Meta (инфографикага қаранг).
Ўтган ярим йилликда Netflix ва Amazon солиқ тўловчилар ўнталигига кирмади.
Онлайн видеоўйинлар сервислари ҚҚС тўловлари бўйича яхшигина улуш қўшишни бошлагани эътиборли ҳолатлардан бири.
Умуман олганда, хорижий компаниялар 6 ойда 1,2 трлн сўмлик онлайн хизмат кўрсатиб, қарийб 144 млрд сўмлик ҚҚС тўлаган. Маълумот учун: 2025 йилда 1 трлн 482 млрд сўмлик хизмат кўрсатилган, тўланган ҚҚС миқдори 181,3 млрд сўм бўлганди.
97 та хорижий компания Ўзбекистонда ҚҚС тўловчилар рўйхатидан жой олган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter