Aхборот технологиялари ва коммуникацияларини ривожлантириш вазири Шуҳрат Содиқов Жиззах вилоятига хизмат сафари доирасида «Жиззах» эркин иқтисодий зонасидаги оптик толали кабеллар ишлаб чиқаришга ихтисослашган «Global Optical Communication Uzbekistan» МЧЖ Қўшма корхонаси фаолияти билан танишди. Бу ҳақда вазирлик матбуот хизмати хабар берди. 

Оптик толали кабеллар ишлаб чиқаришга ихтисослашган «Global Optical Communication Uzbekistan» МЧЖ Қўшма корхонасига 2019 йил октябр ойида «Ўзбектелеком» AК ва Жанубий Кореянинг «Global Optical Communication Co. Ltd» ва Uni Asset Global Co. Ltd.» компаниялари билан биргаликда асос солинган.

2020 йилда биринчи босқичда «Global Optical Communication Uzbekistan» ҚКнинг «Жиззах» ЭИЗдаги мавжуд биносида Корея, Япония ва Хитой компанияларининг замонавий ускуналари ўрнатилиб, тайёр маҳсулотлар ишлаб чиқарилмоқда.

Бугунги кунда «Оптик-толали алоқа кабеллари ишлаб чиқаришни ташкил қилиш» лойиҳаси МЧЖ томонидан 2 та босқичда амалга оширилмоқда:

«Global Optical Communication Uzbekistan» МЧЖ ҚКга «Ўзбектелеком» AКнинг улуши сифатида киритилган «Жиззах» ЭИЗ ҳудудидаги 1,6 гектар майдон ва ундаги ишлаб чиқариш бино-иншоотларида ускуналар келтирилди ва ўрнатилди.

Эркин иқтисодий зоналар ва кичик саноат зоналари Маъмурий кенгашининг 2020 йил 25-январдаги Қарорига кўра, «Жиззах» ЭИЗ ҳудудидан белгиланган тартибда қўшимча 4,5 гектар ер майдони ажратилган. Ушбу майдонда импорт ўрнини босувчи 30 минг километр оптик толали алоқа кабели чиқариш қувватига эга комплекс қурилиб ишга туширилди.

Бугунга келиб «Global Optical Communication Uzbekistan» МЧЖ ҚК томонидан 50 минг километр оптик-толали алоқа кабели ишлаб чиқарилмоқда.

«GOC-UZ» янги ишлаб чиқариш корхонаси нафақат Ўзбекистон телекоммуникация инфратузилмасини авваллари хорижий валютага сотиб олинган маҳсулотлар билан таъминлаш масалаларини ҳал этибгина қолмай, балки юздан ортиқ кишиларни, шу жумладан, Жиззах шаҳридаги касб-ҳунар коллежлари битирувчиларини ҳам иш билан таъминлайди.