Ertaga Quyosh tutiladi
Ertaga, 8-aprel sanasida Shimoliy Amerikada quyoshning to‘liq tutilishi kuzatiladi. Uni Meksika, AQSh va Kanadada kuzatish mumkin.
Hodisa Tinch okeanida boshlanadi, uni birinchi bo‘lib Kuk orollari tarkibiga kiruvchi Penrin atollida yashovchilar ko‘ra olishadi.
So‘ngra Quyoshni to‘suvchi Oy soyasi 2500 km/soatdan yuqoriroq tezlikda okean bo‘ylab o‘tib, mahalliy vaqt bilan soat 11:07 (Grinvich bo‘yicha 18:07) Meksika sohillariga yetib boradi, 20 daqiqadan so‘ng Meksika va AQSh chegarasini kesib o‘tadi, yana bir necha soatdan so‘ng, butun qit’ani kesib o‘tib, Atlantika okeaniga o‘tib ketadi.
Quyoshning keyingi halqali (to‘liq bo‘lmagan) tutilishi shu yilning 2-oktyabrida Janubiy Amerikada kuzatiladi. Uni, shuningdek, qisman Shimoliy Amerikada, Tinch okeani va Atlantikada kuzatish mumkin bo‘ladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter