Farg‘onada «Lacetti» va «Matiz» to‘qnashuvi oqibatida ikki ayol vafot etdi
23-fevral kuni Farg‘ona viloyati, Farg‘ona tumanida fuqaro Q.Sh. «Lacetti-2» avtomashinasini Vodil-Farg‘ona avtomobil yo‘lining 7 km.da boshqarib ketayotgan bo‘lgan. So‘ngra u o‘zi bilan bir yo‘nalishda harakatlanayotgan haydovchi S.I. boshqaruvidagi «Matiz» avtomashinasi bilan to‘qnashib ketgan.
«Matiz» avtomashinasida uchqun chiqib yong‘in sodir bo‘lishi oqibatida yo‘lovchi Q.T. ismli ayol hodisa joyida vafot etgan.
Shuningdek, «Matiz» yo‘lovchisi J.M. ismli ayol shifoxonada vafot etgan. Haydovchilar Q.Sh. va S.I.lar tan jarohati olib shifoxonaga yotqizilgan.
Mazkur holat yuzasidan Farg‘ona tumani IIB huzuridagi tergov bo‘limi tomonidan Jinoyat kodeksining 266-moddasi 3-qismi «a» bandi bilan jinoyat ishi qo‘zg‘atilib, «Lacetti-2» avtomashina haydovchisi Q.Sh. protsessual tartibda ushlangan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter