Rasmiy ma’lumot: Olmaliqda hindistonlik ishchilarni tom bosib qoldi
FVV Toshkent viloyati Olmaliq shahrida sodir bo‘lgan vaziyat bo‘yicha o‘rganish natijalariga ko‘ra ma’lumot taqdim etdi.
Respublikamizda bir necha kundan beri davom etayotgan sovuq ob-havo, tog‘li hududlarda ko‘p qor yog‘ishi va qattiq shamol tufayli «Enter Engineering» kompaniyasining metall tayyorlash sexidagi (AZMK-3) vaqtinchalik qurilmaning tom qismi qulashi natijasida texnogen vaziyat vujudga kelgan.
Buning natijasida uch nafar hindistonlik ishchi voqea joyida vafot etgan, 29 nafari turli darajadagi tan jarohatlari olganligi sababli shifoxonaga joylashtirilgan, ularga tibbiy yordam ko‘rsatilmoqda. Jabrlangan fuqarolarning 4 nafariga shifoxonada zarur tibbiy yordam ko‘rsatilib javob berilgan.
Ushbu holat yuzasidan dastlabki tergov surishtiruv ishlari olib borilmoqda.
Shuningdek, ob-havoning keskinlashuvi va qalin qor yog‘ishi oqibatida bugun Olmaliq shahridagi «Qo‘qon bozorida» ham savdo navesi qulashi yuz berdi. Jabrlanganlar yo‘q, deyiladi xabarda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter