Prezidentni haqoratlagan o‘zbekistonlik Ozarbayjondan tutib keltirildi
Ikki davlat Bosh prokuraturalarining jinoyatchilikka qarshi kurashish borasidagi hamkorligi doirasida Ozarbayjon tomoni O‘zbekiston so‘roviga asosan 1982-yilda tug‘ilgan A.Yu.ni Vatanga ekstraditsiya qildi.
A.Yu. O‘zbekistonda Prezident sha’ni va qadr-qimmatini haqorat qilishda ayblanib, davlatlararo qidiruvga berilgan bo‘lgan. Yusupovning shaxsi aniqlanib, joriy yilning aprel oyida Ozarbayjonda ushlangan va unga nisbatan qamoqqa olish tarzidagi ehtiyot chorasi tanlangan.
Ozarbayjon Bosh prokuraturasi tegishli Konvensiyaga muvofiq, ayblanuvchini ekstraditsiya qilish to‘g‘risida qaror qabul qilib, mamlakat Adliya vazirligining maxsus kolonnasi hamrohligida O‘zbekiston Respublikasi vakolatli organiga topshirgan.
Manba: t.me
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter