«O‘zbekneftgaz»: Buxorodagi yana bir gaz qudug‘i qayta ishga tushirildi
Gazli neft gaz qazib chiqarish boshqarmasiga qarashli «G‘arbiy Xakkul» gazkondensat konidagi 8-sonli quduqda to‘la ta’mirlash ishlari olib borildi.
Quduqda qatlam suvi kelishi ko‘payganligi sababli kunlik gaz qazib chiqarish umuman to‘xtagan edi. Ayni paytda unda suv yo‘llarini to‘sish ishlari amalga oshirilib, 2620-2627 metr intervallar oralig‘ida perforatsiya ishlari o‘tkazildi.
Natijada quduqdan bir sutkada 60-70 ming kub metrgacha sanoat miqyosida tabiiy gaz olinmoqda.
Ma’lumot uchun: «G‘arbiy Xakkul» gazkondensat koni Buxoro viloyatining Jondor tumanida joylashgan bo‘lib, 2017 yilda ishga tushirilgan.
«O‘zbekneftgaz» AJ Matbuot xizmati
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter
Izohlar mavjud emas