«Ўзбекнефтгаз»: Бухородаги яна бир газ қудуғи қайта ишга туширилди
Газли нефт газ қазиб чиқариш бошқармасига қарашли «Ғарбий Хаккуль» газконденсат конидаги 8-сонли қудуқда тўла таъмирлаш ишлари олиб борилди.
Қудуқда қатлам суви келиши кўпайганлиги сабабли кунлик газ қазиб чиқариш умуман тўхтаган эди. Айни пайтда унда сув йўлларини тўсиш ишлари амалга оширилиб, 2620-2627 метр интерваллар оралиғида перфорация ишлари ўтказилди.
Натижада қудуқдан бир суткада 60-70 минг куб метргача саноат миқёсида табиий газ олинмоқда.
Маълумот учун: «Ғарбий Хаккуль» газконденсат кони Бухоро вилоятининг Жондор туманида жойлашган бўлиб, 2017 йилда ишга туширилган.
«Ўзбекнефтгаз» АЖ Матбуот хизмати
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter
Изоҳлар мавжуд эмас