Nogiron shaxslarga yer sotib olishi uchun 41 mln so‘mgacha pul beriladi. 

«Ayollar daftari», «Yoshlar daftari» va «Saxovat va ko‘mak» jamg‘armalari mablag‘lari hisobidan ijtimoiy yordam ko‘rsatish tizimini takomillashtirish chora-tadbirlari to‘g‘risidagi Hukumat qarori qabul qilindi. Ushbu hujjat 23 iyul kuni e’lon qilingan. 

Ushbu hujjatga ko‘ra, Kambag‘al oilalar reyestriga kiritilgan xotin-qizlarning uy-joyini ta’mirlash uchun 20 600 000 so‘mgacha pul beriladi.

Nogiron shaxs yoki nogironi bor oila auksiondan yer uchastkasi sotib olsa, 41 200 000 so‘mgacha davlat pul beradi.

Kambag‘al oilalar reyestrida turgan yoshlarga bir oylik armiya pulini davlat to‘lab beradi.

Bundan tashqari Kambag‘al oilalar oilalar reyestriga kirgan 30 yoshdan oshgan xotin-qizlar yoki ularning ikki yoki undan ortiq farzandi ta’lim olsa, to‘lov-kontrakt summasining 50 foizigacha (BHMning 50 baravaridan ko‘p bo‘lmasligi kerak) to‘lab beriladi. Ularning davolanishi va ijarada turishida ham kompensatsiya pullari to‘lanadi. 

Jumladan,  jarrohliksiz yoki jarrohlik yo‘li bilan davolanuvchi 30 yoshdan oshgan xotin-qizlarga BHMning 50 baravarigacha yordam ko‘rsatiladi.