Yurak insonning eng muhim organlaridan biridir. U nasos kabi qonni tomirlar orqali haydab, kislorod va ozuqa moddalarini barcha organlar va to‘qimalarga yetkazib berishni ta’minlaydi. Biroq, 50 yoshdan keyin yurakning o‘z vazifasini bajarishi qiyinlashadi. Parhezshunos Yelena Solomatina qanday ovqatlar yurak-qon tomir tizimini sog‘lom saqlashga yordam berishini aytdi.

Mutaxassisning fikriga ko‘ra, odamlarda ateroskleroz rivojlanishi, qonning quyuqlashishi, jigar va qalqonsimon bezning noto‘g‘ri ishlashi tufayli yurak muammolari paydo bo‘lishi mumkin. Birinchi sababni istisno qilish uchun siz yog‘li baliq, zig‘ir yog‘i va baliq jigarini iste’mol qilishingiz kerak.

Ushbu mahsulotlarda ko‘p miqdorda omega-3 mavjud bo‘lib, qon tomirlari devorlarida yomon xolesterin to‘planishiga to‘sqinlik qiladi.

«Yog‘li kislotalar ham hujayra membranasining bir qismidir. Tanadagi foydali moddalarning filtrlanishi uning plastikligiga bog‘liq va omega-3 tarkibidagi miyelin qobig‘i nerv impulslarining tezligini nazorat qiladi», — deya qo‘shimcha qildi diyetolog.

Qonning quyuqlashishiga yo‘l qo‘ymaslik uchun diyetaga sarimsoqpiyoz, oddiy piyoz va  bulg‘or qalampirini kiritishingiz kerak.

«Piyoz tarkibida kichik tomirlar devorlarini mustahkamlovchi, markaziy asab tizimida qon aylanishini tezlashtiradigan kuyercyetin ham bor, shuning uchun tomirlar shikastlanmaydi. Sarimsoq esa germaniyga boy, bu yurak klapanlarining ishlashiga ta’sir qiladi», — deya ta’kidladi Solomatina.

Yurakning holati xolesterin ishlab chiqarishga ta’sir qiluvchi sog‘lom jigar funksiyasi bilan bog‘liq. Bu masalada tvorog, yogurt va tuxum yordam beradi.