Koronavirus yuqish yo‘llari haqidagi yana bir mish-mishga oydinlik kiritildi
Ogayo shtat universiteti xodimi Sanja Ilich koronavirusning oziq-ovqat orqali yuqishi haqidagi mish-mishni inkor etmoqda, deb yozadi «MedicalXpress».
«Koronavirus oshqozon-ichak kasalligi hisoblanmaydi, COVID-19 infeksiyasi oziq-ovqatda ko‘paymaydi», — deydi olim. Shuningdek, u viruslar yuzada ko‘paymasligini, ular tirik organizmga ehtiyoj sezishini ta’kidlagan.
Lekin mutaxassis koronavirusni supermarketda yuqtirib olish mumkinligidan ogohlantirgan. Buning oldini olish uchun Sanja ikki metrli ijtimoiy masofa saqlashni hamda antiseptik bilan qo‘llarga tez-tez ishlov berib turishni tavsiya etadi. Xarid qilingan meva-sabzavotlarni albatta yaxshilab yuvish kerak.
Ekspertning ta’kidlashicha, do‘konlardan oziq-ovqat yetkazib berishdan xavotirlanish ortiqcha. Uning aytishicha, bugungi kunga qadar restoran yoki do‘konlardan oziq-ovqat yetkazib berish xizmati orqali koronavirus yuqish hollari aniqlanmagan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter