Jonni Deppni xotin kishiga almashtirishdi
Taniqli Hollivud yulduzi Jonni Depp faoliyatidagi «qora kunlar»ni boshdan o‘tkazyapti. U yaqinginada «Karib dengizi qaroqchilari»dagi Jek Chittak rolidan ayrilgandi, endi bo‘lsa «Ko‘rinmas odam»dan «badarg‘a qilishdi». Bu haqda «DC» xabar berdi.
«Universal» kinokompaniyasi bu qarorni izohlashicha, «Ko‘rinmas odam» mualliflari film mohiyatini keskin o‘zgartirishgan. Endi bosh qahramonni xotin kishi o‘ynaydi. Taxminlar yo‘q emas, katta ehtimol bilan bu — Elizabet Moss.
Mavzuga oid: Jonni Depp sobiq xotinidan 50 million dollar undirmoqchi
Eslatib o‘tamiz, «Qaroqchilar»dan haydalishida tushum kamayib ketgani va Deppning yoshi o‘tib qolgani (aktyor bu yil 56 ga to‘ladi) bahona qilingandi. Studiya bu film ustida ham ish boshlash arafasida. Aytishlaricha, mazkur kinoasar bosh roliga ham ayol kishi taklif etiladi.
«Ko‘rinmas odam» filmi premerasi 2020-yilga mo‘ljallangan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter