AQSh davlat kotibi Marko Rubioning ma’lum qilishicha, prezident Donald Tramp Rossiya rahbari Vladimir Putin bilan imkoni boricha yaqin fursatlarda uchrashish niyatida. Hozirda uchrashuvning joyi va vaqti muhokama qilinmoqda.

Rubioning ta’kidlashicha, bunday uchrashuv Ukrainadagi harbiy mojaroni hal etishga qaratilgan diplomatik sa’y-harakatlarni jadallashtirish maqsadida tashkil etiladi.

AQSh davlat kotibining qo‘shimcha bayonotlarida quyidagi masalalarga e’tibor qaratilgan:

Rossiya tomoni Ukrainada o‘t ochishni to‘xtatishga oid talablarni o‘z ichiga olgan hujjat ustida ish olib bormoqda;

Agar Ukraina masalasidagi muzokaralar samara bermasa, AQSh Kongressi Rossiyaga qarshi yangi sanksiyalar to‘g‘risidagi qonunni qabul qilishi mumkinligi rossiyaliklarga ma’lum qilingan;

Sanksiyalar masalasi AQSh ma’muriyatidan ko‘ra, Kongress ixtiyoridagi mustaqil jarayon hisoblanadi;

Vashington tomoni cheksiz muzokaralarga emas, yaqin vaqt ichida amaliy natijalarga erishishga intilmoqda.