Kuni kecha, 27 fevral kuni FIFA 2022 yilning eng yaxshilarini e’lon qildi.

The Best mukofotini Argentina va «PSJ» klubi hujumchisi Lionel Messi qo‘lga kiritdi. U asosiy taqibchilari – Kilian Mbappe va Karim Benzemani ortda qoldirdi.

Eslatib o‘tamiz, Messi  Qatarda o‘tgan jahon chempionatida chempionlikni qo‘lga kiritgan va turnirning eng yaxshi o‘yinchisi deb topilgandi.

Shu tariqa u 2-bor The Best sovriniga ega chiqib, Krishtianu Ronaldu va Robert Levandovskiga yetib oldi.

The Best mukofotining barcha g‘oliblari:

Eng yaxshi futbolchi – Lionel Messi («PSJ» / Argentina);

Eng yaxshi murabbiy – Lionel Skaloni (Argentina milliy jamoasi);

Eng yaxshi darvozabon – Emiliano Martines («Aston Villa» / Argentina);

Eng chiroyli gol muallifi – Marsin Oleksin («Varta Poznan» / Polsha);

Fair Play sovrini – Luka Lochoshvili (Gruziya)

«Eng yaxshi muxlislar» — argentinalik muxlislar;

Ramziy terma jamoa:

Darvozabon: Tibo Kurtua («Real» / Belgiya);

Himoyachilar: Ashraf Hakimi («PSJ» / Marokash), Virjil Van Deyk («Liverpul» / Niderlandiya), Joau Kanselu («Bavariya» / Portugaliya);

Yarimhimoyachilar: Kevin de Bryuyne («Manchester Siti» / Belgiya), Luka Modrich («Real» / Xorvatiya), Kazemiro («MYu» / Braziliya);

Hujumchilar: Kilian Mbappe («PSJ» / Fransiya), Karim Benzema («Real» / Fransiya), Erling Holand («Manchester Siti» / Norvegiya), Lionel Messi («PSJ» / Argentina).