Armaniston prezidentida koviddan keyingi asoratlar paydo bo‘ldi
Armaniston prezidenti Armen Sarkisyan COVID-19dan keyingi asoratlar tufayli tekshiruvdan o‘tmoqda, deya xabar bergan prezident ma’muriyati.
5-yanvar kuni o‘sha paytda Londonda bo‘lgan Armaniston prezidenti Sarkisyanga koronavirus tashxisi qo‘yilgani to‘g‘risida xabar bergandik.
U yerda muolaja oldi, masofadan turib ishlashda davom etdi. Ammo 13-yanvar kuni prezident shifoxonaga yotqizilgani ma’lum bo‘ldi: unga ikki tomonlama pnevmoniya tashxisi qo‘yildi. Bir oy o‘tgach Sarkisyan vataniga qaytib, Yerevanda davolanishni davom ettirdi.
Hozir hraparak.am onlayn-resurs xabariga ko‘ra, Sarkisyan yurakdagi muammo tufayli Yerevandagi «Astxik» tibbiyot markaziga yotqizilgan. Gazetaning yozishicha, stentlash operatsiyasi amalga oshiriladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter
Izohlar mavjud emas