Asilbek Ashurov Chikago universitetining to‘liq grantini qo‘lga kiritgan ilk o‘zbekistonlik bo‘ldi
Prezident maktabi o‘quvchisi dunyo bo‘yicha 14-o‘rinda turadigan Chikago universitetiga 100 foizlik grant asosida qabul qilindi.
Asilbek Ashurov Guliston shahridagi Prezident maktabining 11-sinf o‘quvchisi. U AQShning nufuzli Chikago universitetiga 420 000 AQSh dollar miqdoridagi to‘liq grant asosida o‘qishga qabul qilindi. Shu tarzda Chikago universitetining to‘liq grantini qo‘lga kiritgan ilk o‘zbekistonlik o‘quvchi sifatida tarixga kirdi.
Chikago universiteti dunyodagi eng nufuzli oliygohlardan biri bo‘lib, xalqaro miqyosda o‘zining ilmiy tadqiqotlari, yuqori sifatli ta’limi va kuchli akademik an’analari bilan tanilgan.
QS «World University Rankings» va «Times Higher Education» kabi xalqaro reytinglarda Chikago universiteti doimiy ravishda eng yuqori o‘rinlarni egallab keladi. Hozirda ushbu universitet dunyo miqyosida 14-o‘rinda turadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter