Atlantika okeanida Argos Georgia baliqchilar kemasi halokatga uchradi
![Atlantika okeanida Argos Georgia baliqchilar kemasi halokatga uchradi](http://static.xabar.uz/crop/8/0/720_460_95_807546451.jpg)
Atlantika okeanining janubida Argos Georgia baliqchilar kemasi cho‘kib ketdi.
Kema ekipaji 27 kishidan iborat bo‘lgan. Kamida 8 kishi halok bo‘lgan, 7 kishi bedarak yo‘qolgan. Kema Muqaddas Yelena, Vozneseniye hamda Tristan-da-Kunya orollari bayroqlari ostida suzayotgan bo‘lgan.
Halokat yuz bergan 22-iyul sanasida kema Folklend (Malvin) orollaridan sharqda, 200 dengiz mili olislikda bo‘lgan. Qutqarishga bir nechta kemalar va vertolyotlar jo‘natilgan, biroq kuchli shamol va dovul tufayli qidirish ishlari vaqtincha to‘xtatilgan.
23-iyul kuni qidirish yana davom etgan. Kema ekipajining 14 a’zosi qutqarilgan, halok bo‘lganlarning shaxsi hozircha aniqlanmagan.
Kema bortida Ispaniya, Rossiya, Indoneziya, Peru, Urugvay fuqarolari bo‘lgan. Argos Georgia kemasi Argos Froyanes Ltd Britaniya-Norvegiya xususiy kompaniyasiga qarashli ekani aytilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter