BAA Eron aktivlarini muzlatish imkoniyatini ko‘rib chiqmoqda
Birlashgan Arab Amirliklari o‘z hududida saqlanayotgan Eronning milliardlab dollarlik aktivlarini muzlatish imkoniyatini muhokama qilmoqda. Bu haqda The Wall Street Journal manbalariga tayanib xabar berdi.
Nashrga ko‘ra, agar bu qaror qabul qilinsa, u Tehronning eng muhim iqtisodiy manbalaridan biriga zarba berishi mumkin.
Mutaxassislar fikricha, BAA tomonidan bunday chora ko‘rilishi Eronning xorijiy valyutaga kirishini va xalqaro savdo tarmoqlaridan foydalanishini jiddiy cheklaydi.
Ayni paytda Eron iqtisodiyoti inflyasiya bosimi ostida qolmoqda va mamlakat AQSh hamda Isroil bilan harbiy to‘qnashuv fonida qo‘shimcha bosimga duch kelmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter