«Bavariya» himoyachisi Alaba «Real»ga o‘tishi mumkin — OAV
Myunxenning «Bavariya» klubi himoyachisi, avstriyalik futbolchi David Alaba faoliyatini «Real» Madridda davom ettirishi mumkinligi haqida «Marca» xabar berdi.
Nashrga ko‘ra, madridliklar 28 yoshli futbolchiga to‘rt yillik shartnoma taklif etishmoqda: Alaba yiliga $10 mln. maosh oladi.
David Alabaning amaldagi shartnomasi muddati 30-iyunda tugaydi, shundan so‘ng u erkin agent sifatida «Real»ga o‘tishi mumkin.
Qolaversa, «Chelsi» (London) ham futbolchiga uch yillik shartnoma taklif qilyapti.
Eslatib o‘tamiz, joriy mavsum davomida Alaba «Bavariya» tarkibida 18 o‘yin o‘tkazib, bitta gol urgan va bitta golli uzatmani amalga oshirgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter