Fransiyada prezident saylovi: g‘olib ikkinchi turda aniqlanishi mumkin
Bugun, 10-aprel sanasida Fransiyada mamlakat prezidentligi uchun saylov o‘tkazilishi haqida xabar bergandik.
So‘nggi ma’lumotlarga qaraganda, amaldagi prezident — Emmanuel Makron va «Milliy birdamlik» partiyasi nomzodi, parlament deputati Marin Le Pen saylovda teng natijalar ko‘rsatmoqda. Saylov uchastkalaridan to‘plangan exit-poll natijalariga ko‘ra, Makron va Le Pen 24 foizdan ovoz to‘plashi kutilyapti.
«Bo‘ysunmas Fransiya» o‘ta so‘l partiyasi yetakchisi Jan-Lyuk Melanshon 19 foiz natija bilan raqiblarini ta’qib etmoqda.
So‘rovnoma ma’lumotlari rost chiqsa, Fransiya ikkinchi tur prezidentlik saylovini o‘tkazadi.
To‘ldirilgan xabar: so‘nggi ma’lumotlarga ko‘ra, Makron va Le Pen Fransiyadagi prezidentlik saylovining ikkinchi bosqichiga o‘tgan. Makron — 28,5 foiz, Le Pen — 24,2 foiz ovoz to‘plagan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter