Францияда президент сайлови: ғолиб иккинчи турда аниқланиши мумкин
Бугун, 10 апрель санасида Францияда мамлакат президентлиги учун сайлов ўтказилиши ҳақида хабар бергандик.
Сўнгги маълумотларга қараганда, амалдаги президент — Эммануэл Макрон ва «Миллий бирдамлик» партияси номзоди, парламент депутати Марин Ле Пен сайловда тенг натижалар кўрсатмоқда. Сайлов участкаларидан тўпланган exit-poll натижаларига кўра, Макрон ва Ле Пен 24 фоиздан овоз тўплаши кутиляпти.
«Бўйсунмас Франция» ўта сўл партияси етакчиси Жан-Люк Меланшон 19 фоиз натижа билан рақибларини таъқиб этмоқда.
Сўровнома маълумотлари рост чиқса, Франция иккинчи тур президентлик сайловини ўтказади.
Тўлдирилган хабар: сўнгги маълумотларга кўра, Макрон ва Ле Пен Франциядаги президентлик сайловининг иккинчи босқичига ўтган. Макрон — 28,5 фоиз, Ле Пен — 24,2 фоиз овоз тўплаган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter
Изоҳлар мавжуд эмас