G‘azodagi urush Isroilga bir kunda qanchaga tushmoqda?
Isroil G‘azo sektoridagi operatsiyalar uchun har kuni millionlab dollar sarflamoqda, deb yozadi Bloomberg.
Agentlik ma’lumotlariga ko‘ra, mamlakat HAMAS bilan urushga har kuni 260 million dollarga yaqin mablag‘ sarflaydi.
«Mojaro Isroil uchun dastlab kutilganidan qimmatroq bo‘ldi va davlat budjetiga og‘irlik qilmoqda», - deyiladi materialda.
Bloomberg ta’kidlashicha, yaqinda Isroil kelasi yil uchun budjetni muhokama qilishi kerak. Oktyabr oyida budjet taqchilligi 2022-yilga nisbatan yetti baravardan ko‘proq oshganiga qaramay, Netanyahu hukumatida bahsli subsidiyalarni saqlab qolish taklif qilinmoqda.
Eslatib o‘tamiz, Isroil keng ko‘lamli urushni 7-oktyabrdan keyin, HAMAS hujumi natijasida boshladi. Mamlakat qurolli kuchlari G‘azo sektorini tinimsiz bombalamoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter