Jiyan qarovsiz qoldirilgan bank kartasidagi pullarni o‘zlashtirdi
Toshkent viloyatining Bo‘stonliq tumanida istiqomat qiluvchi G.A. (1970-y.t.) uning bank kartasidan noma’lum shaxs 1 515 000 so‘m pulni yechib olgani yuzasidan qonuniy chora ko‘rishni so‘rab ichki ishlarga murojaat qildi. Bu haqda IIV Kiberxavfsizlik markazining telegram-kanalida xabar berildi.
Olib borilgan tezkor-qidiruv tadbirlari natijasida firibgarlik yo‘li bilan pullarni o‘zlashtirgan shaxs Bo‘stonliq tumanida yashovchi B.B. (2001-y.t.) ekani aniqlangan.
Jabrlanuvchining jiyani ekani aytilgan B.B. qarovsiz qoldirilgan bank kartasining SMS-xabarnoma xizmatini bankomat orqali o‘zining telefoniga faollashtirib, so‘ngra pullarni yechib olgan.
B.B.ga nisbatan O‘zR. JKning 168-moddasi bilan jinoyat ishi qo‘zg‘atilib, tergov harakatlari olib borilmoqda, deyiladi xabarda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter