Jizzaxda 42 tup qayrag‘och kesib ketildi. Holat yuzasidan jinoyat ishi qo‘zg‘atildi
![Jizzaxda 42 tup qayrag‘och kesib ketildi. Holat yuzasidan jinoyat ishi qo‘zg‘atildi](http://static.xabar.uz/crop/1/2/720_460_95_1262952589.jpg)
Jizzax viloyati Paxtakor tumanidagi «Yuvest tog‘» fermer xo‘jaligi dala maydoni chetiga ihota maqsadida ekilgan 42 tup o‘sishdan to‘xtamagan qayrag‘och daraxtlari kesib ketilgan.
Viloyati Ekologiya, atrof-muhitni muhofaza qilish va iqlim o‘zgarishi boshqarmasi ma’lumotiga ko‘ra, daraxtlar joriy yilning 11-yanvarida mazkur fermer xo‘jaligining ish yurituvchisi 1988-yilda tug‘ilgan J.J ismli fuqaro tomonidan kesib olingan.
«Hukumatning 2022 yil, 22 avgustdagi 464-sonli qarorining 4-ilovasiga asosan qayrag‘och daraxtlarining noqonuniy kesilishi natijasida o‘simlik dunyosiga 224 mln 400 ming miqdorida zarar yetkazilgan.
Paxtakor tumani prokuraturasi fuqaro J.J. ga nisbatan Jinoyat kodeksining 198-moddasi 2-qismi bilan jinoyat ishi qo‘zg‘atdi. Tergov ishlari davom etmoqda», – deyiladi rasmiy ma’lumotda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter