Kim Chen In kema quruvchilarni jazolaydi
Shimoliy Koreya hukumati uch mansabdorni harbiy kemani suvga tushirishdagi hodisa aybdori sifatida hibsga oldi.
KXDR markaziy telegraf agentligi xabariga ko‘ra, qo‘lga olinganlar — kema qurilgan Chxonjin shimoliy verfi (kemalar quriladigan va ta’mirlanadigan joy) bosh muhandisi, qurilish rahbari va ma’muriy menejer. U «avariya uchun javob berishi» aytilmoqda.
Eslatib o‘tamiz, 2025-yil 21-may kuni besh ming tonna og‘irlikdagi yangi harbiy kema (esminets)ni suvga tushirish marosimi o‘tkazilgan. Tadbirga KXDR rahbari Kim Chen In tashrif buyurgan. Kemani suvga tushirishda muvozanat yo‘qotilib, uning bir qismi quruqlikka tushib, korpusi va tub qismiga jiddiy shikast yetgan.
Kim Chen In hodisani «ehtiyotsizlik, mas’uliyatsizlik va ilmsizlik» oqibatidagi jinoyat deya baholab, aybdorlar jazolanishini aytgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter