Irlandiyalik UFC jangchisi Konor Makgregor Irlandiya prezidentligiga nomzodini qo‘yishni rejalashtirmoqda. Bu haqda u o‘zining X tarmog‘idagi sahifasida ma’lum qildi.

Konor shu yil oxirida Irlandiya prezidentligi uchun kurashadi.

Sportchi allaqachon Yevropa Ittifoqiga migratsiya va uning parlamentdagi tashabbuslari haqida gapirgan.

«Irlandiya, tanlov sizniki. Menga ovoz bering va biz birgalikda vatanni qutqaramiz!

Irlandiya 2026-yil 12-iyungacha YeI migratsiya paktini to‘liq amalga oshirishi kerak, bu esa xarajatlarni qayta taqsimlashga, boshpana va xavfsizlik tartib-qoidalarini isloh qilishga olib keladi», — deb yozadi u.

Irlandiyada prezident saylovi 2025-yil 11-noyabrgacha bo‘lib o‘tishi kerak.

Ma’lumot uchun: Yevropa Ittifoqining migratsiya pakti 2024 yil may oyida tasdiqlangan bo‘lib, Yevroittifoq mamlakatlarida ikki yil muddat amal qiladi. Pakt ularni ma’lum miqdordagi boshpana izlovchilarni qabul qilishga majbur qiladi va agar ular rad etilsa, mamlakatlar muhojirlarni qabul qiluvchilarga ularni joylashtirish uchun vositalar bilan yordam berishlari kerak bo‘ladi.

Irlandiya 2026-yil 12-iyungacha Yevropa Ittifoqining migratsiya paktiga rioya qilishi kerak. Makgregor esa bu masalani referendumga qo‘yish kerak, deb hisoblaydi.

«Mendan boshqa kim hukumatga qarshi chiqadi? Ular ilgari surmoqchi bo‘lgan boshqa nomzodlar ularga bas kelolmaydi. Lekin men qilaman! Prezident sifatida men bu qonun loyihasini referendumga qo‘ygan bo‘lardim. Garchi men bu paktga keskin qarshi bo‘lsam ham, bu menga yoki hukumatga bog‘liq emas», — deb yozdi u o‘zining X akkauntida.

Konor Makgregor 36 yoshda va UFCning yarim yengil (-66 kg) va yengil (-70 kg) vaznlarida ikki karra chempion. Uning hisobida 22 g‘alaba va 6 ta mag‘lubiyat bor.