Kecha yurtimizning barcha hududlarida koronavirus aniqlanib, bir nafar bemor vafot etdi.

2021 yil 18 iyun holati bo‘yicha O‘zbekistonda koronavirus infeksiyasi qayd etilganlar soni 105610 (+391) nafarni tashkil etmoqda.

SSV statistikasiga ko‘ra, Jizzax va Surxondaryo viloyatlarida kasallanish o‘choqlari paydo bo‘lgan. Bu viloyatlarda Samarqand, Toshkent viloyati va poytaxtdagi kabi koronavirus yuqtirishlar soni ortgan.

Yangi kasallanish holatlarining:

• 13 nafari Qoraqalpog‘iston Respublikasida,
• 8 nafari Andijon viloyatida,
• 12 nafari Buxoro viloyatida,
• 27 nafari Jizzax viloyatida,
• 5 nafari Qashqadaryo viloyatida,
• 3 nafari Navoiy viloyatida,
• 7 nafari Namangan viloyatida,
• 60 nafari Samarqand viloyatida,
• 3 nafari Sirdaryo viloyatida,
• 66 nafari Surxondaryo viloyatida,
• 5 nafari Farg‘ona viloyatida,
• 5 nafari Xorazm viloyatida,
• 45 nafari Toshkent viloyatida,
• 132nafari Toshkent shahrida koronavirusga chalingan bemorlar bilan muloqotda bo‘lganligi sababli namuna olingan fuqarolar orasida aniqlangan.

Kasallikdan sog‘ayganlar jami 101311 (+293) nafarga yetdi va sog‘ayish ko‘rsatkichi 96 foizni tashkil etmoqda.

Shuningdek, 1 nafar koronavirusga chalingan bemor vafot etib, kasallikdan vafot etganlar soni 718 nafarni tashkil qildi.

Ayni paytda tibbiyot muassasalarida 3581 nafar bemor davolanmoqda.