Murodjon Ahmadaliyev WBA reytingida birinchi pog‘onaga ko‘tarildi
Kuni kecha professional bokschilarning yangi reytingi e’lon qilindi. Unga ko‘ra, ikkinchi yengil vazn toifasi (55,3 kg) da o‘z janglarini o‘tkazayotgan Murodjon Ahmadaliyev noyabr oyida o‘tkazgan jangidan so‘ng reytingning birinchi pog‘onasiga joylashgan, deb xabar bermoqda Milliy Olimpiya qo‘mitasi matbuot xizmati.
Eslatib o‘tamiz, u 24 noyabr kuni amerikalik Isaak Zaratega qarshi jang o‘tkazib, nokaut evaziga g‘alaba qozondi. U o‘sha jangida o‘zining WBA Intercontinental kamarini himoya qilgandi.
Ma’lumot uchun, ayni paytda WBA yo‘nalishi bo‘yicha jahon chempioni amerikalik Daniel Roman hisoblanadi. Ahmadaliyev birinchi o‘ringa chiqib olish orqali, oltin kamar uchun asosiy da’vogarlardan biriga aylanib oldi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter