Ozarbayjon prezidenti Ilhom Aliyev Rossiyaga qarshi da’vo tayyorlanayotganini e’lon qildi va Ukrainani ishg‘olga rozi bo‘lmaslikka chaqirdi. 

Ozarbayjon AZAL samolyoti halokati tufayli Rossiyaga qarshi xalqaro sudlarga hujjatlar tayyorlamoqda. Bu haqda Ilhom Aliyev bugun Shusha shahrida bo‘lib o‘tgan media-forumda gapirdi, deb xabar beradi Minval. 

Uning so‘zlariga ko‘ra, halokat bilan bog‘liq vaziyat “kundek ravshan”. So‘rovlarga qaramay, Boku yetti oy ichida Aktau yaqinida sodir bo‘lgan voqea yuzasidan Rossiya tomonidan aniq javob olmadi. Bunday pozitsiya samarasizdir. 

Bugun Ozarbayjonda haqiqatni xalqaro sudlarda himoya qilish uchun yetarli dalillar mavjud. U, shuningdek, Malayziya Boingi bilan bo‘lgani kabi, Ozarbayjon qancha kerak bo‘lsa, shuncha kutishga tayyorligini ta’kidladi. 

 Avvalroq Minval nashri rossiyalik harbiy xizmatchiga tegishli ekani aytilayotgan tushuntirish xati matnini e’lon qilgan edi. Unda aytilishicha, samolyot Grozniy osmonida Rossiya Mudofaa vazirligi buyrug‘i bilan urib tushirilgan. 

Aliyev o‘z nutqi davomida ukrainaliklarga ham murojaat qilib, ularni hududlarni yo‘qotishga rozi bo‘lmaslikka chaqirdi. U o‘z yerlari ustidan nazoratni qaytarib olgan Ozarbayjondan o‘rnak olishni taklif qildi. 

"Xalqaro huquq, BMT Xavfsizlik Kengashi arman qo‘shinlarini olib chiqib ketishni talab qiluvchi to‘rtta rezolyusiya qabul qilgan,  biz ularni jasorat bilan amalga oshirdik", dedi u. 

2023 yilda Ozarbayjon Qorabog‘ ustidan nazorat o‘rnatdi, shundan so‘ng deyarli butun arman aholisi mintaqani tark etdi.