O‘zbekiston bo‘ylab kuchli ta’sir qiluvchi dorilarni pullayotganlar ushlandi
Kuchli ta’sir qiluvchi dori vositalari savdosi bilan shug‘ullanib kelgan shaxslar ushlandi.
Bosh prokuratura huzuridagi Departamentning Andijon shahri bo‘limi va IIB xodimlari hamkorligida tezkor tadbir o‘tkazilgan.
Unda kuchli ta’sir qiluvchi dori vositalari savdosi bilan shug‘ullanib kelgan A.Yu. 197 dona inson ruhiyatiga kuchli ta’sir qiluvchi dori vositalarini Andijon shahriga sotish maqsadida olib kelayotganligi aniqlanib, undan ushbu mahsulotlar ashyoviy dalil sifatida olingan.
Departamentning Chilonzor tumani bo‘limi va DXX xodimlari hamkorligida o‘tkazilgan tezkor tadbirda fuqaro A.A. fuqaro Sh.S.ga 50 dona inson ruhiyatiga kuchli ta’sir qiluvchi “Zardeks” nomli dori vositasini 3,7 mln so‘mga sotgan vaqtida ashyoviy dalillar bilan ushlangan.
Mazkur holatlar yuzasidan Jinoyat kodeksining tegishli moddalari bilan jinoyat ishlari qo‘zg‘atilib, tergov harakatlari o‘tkazilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter