O‘zbekiston «Roskachestvo» bilan hamkorlik memorandumini imzoladi
Rossiya sifat nazorati («Roskachestvo»)ning taklifiga asosan, O‘zbekiston iste’molchilar huquqlarini himoya qilish jamiyatlari federatsiyasi hamda «O‘zstandart» agentligi rahbar va mas’ul xodimlaridan iborat delegatsiya Rossiya Federatsiyasining Moskva shahrida bo‘lib turibdi.
Bugun, Rossiya sifat nazorati («Roskachestvo»)ning bosh qarorgohida Federatsiyasi va «Roskachestvo» o‘rtasida o‘zaro hamkorlik memorandumi imzolandi.
Ushbu memorandum ikki tashkilot o‘rtasida iste’molchilarning huquq va manfaatlarini himoya qilish, tajriba va axborot almashish, trening, konferensiya, seminar va simproziumlar tashkil etish masalalarini qamrab oladi.
Ma’lumot uchun: «Roskachestvo» nodavlat tashkilot bo‘lib, Rossiya mahsulotlarining sifati bo‘yicha mustaqil tatqiqotlar olib boruvchi, milliy mahsulotlarni ichki va tashqi bozorlarga olib chiqish, shuningdek, Rossiya maxsulotlariga ishonchni oshirish maqsadida tashkil etilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter