Android qurilmalar uchun Xabar.uz mobil ilovasi. Yuklab olish ×

O‘zbekistonda avtomobildan xoli hududlar kengaymoqda

O‘zbekistonda avtomobildan xoli hududlar kengaymoqda

Turizm qo‘mitasi tomonidan sayyohlarga qulayliklar yaratish, ularning har bir hududda mazmunli dam olishlari, erkin piyoda yurishlarini tashkil etish maqsadida ma’lum yo‘nalishlarda «avtomobildan xoli hudud»lar tashkil etilmoqda.

Jumladan, Buxoro shahri tarixiy markazining Toqi Telpakfro‘shon madaniy meros ob’yektidan Ark qo‘rg‘oni avtoturargohigacha bo‘lgan qismida, Andijon viloyatining Xonobod shahrida, Farg‘ona viloyatidagi turizm namoyishi ob’yektlari bo‘lgan Farg‘ona shahar I.Karimov nomidagi san’at saroyi, «Eko shahar» madaniy dam olish bog‘i, Ahmad al-Farg‘oniy istirohat bog‘i, Marg‘ilon shahar E.Vohidov nomidagi istirohat bog‘i, hamda Qo‘qon shahar O‘rda maydoni, Istiqlol turizm ko‘chasi hududlari «avtomobildan xoli hudud»ga aylantirildi.

Shuningdek, Samarqand tumani «Konigil» turizm qishlog‘ida yangidan tashkil etilgan turizm ob’yektida 2.5 km uzunlikdagi yo‘l avtomobildan holi hudud sifatida faoliyat olib bormoqda. Yo‘lning kirish qismida avtomobillarni taqiqlovchi yo‘l belgilari o‘rnatilgan. Registon maydoni va Shohi zinda majmuasini bog‘lovchi 1.5 km uzunlikdagi I.Karimov ko‘chasi avtomobildan holi hudud sifatida faoliyat olib bormoqda.

Izohlar

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring