Ipak yo‘li. Asrlar davomida mintaqalarni o‘zaro bog‘lagan ushbu yo‘l hozirda ilhom manbai bo‘lib xizmat qilmoqda.

Toshkentda «Ipak yo‘li. Italiya zamonaviy san’ati va rassomlari» zamonaviy san’at ko‘rgazmasi bo‘lib o‘tdi. Ko‘rgazma hayot mohiyatini anglashga bag‘ishlangan va u yaqin tarixdagi italyancha badiiy g‘oyalarni o‘zida ifodalaydi. U 38 ta yuqori darajadagi san’at asaridan tashkil topgan va ulardan sakkiztasi Farnezina kolleksiyasiga tegishlidir.

Asarlar Rimdagi Tashqi ishlar vazirligida namoyish etilgan. Ko‘rgazma Ipak yo‘lining qadimiy karvon yo‘llarini mukammal tarzda takrorlaydi — Kiyev, Anqara, Tbilisi va Toshkentdan o‘tib, Xitoyning Pekin, Chunsin, Sian manzillariga yetib boradi. Bu yo‘nalish 2022-yilda Xitoyda «Italiya-Xitoy madaniyati va turizmi» yili doirasidagi bayramona tadbiri bilan yakunlanadi.

Ko‘rgazma 2021-yil 15-dekabr kuni Toshkent shahrida, O‘zmilliybankning O‘zbekiston tasviriy san’at galereyasining muhtasham zallarida san’at muxlislariga o‘z eshigini ochdi.

Ko‘rgazmada asarlari taqdim etilgan rassomlar:

Carla Accardi, Marisa Albanese, Yuri Ancarani, Francesco Arena, Enrico Baj, Gabriele Basilico, Bianco-Valente, Alighiero Boetti, Diego Cibelli, Gianni Dessì, Pamela Diamante, Flavio Favelli, Eugenio Giliberti, Paolo Grassino, Emilio Isgrò, Francesco Jodice, Mimmo Jodice, Jannis Kounellis, Maria Lai, Luigi Mainolfi, Domenico Antonio Mancini, Umberto Manzo, Masbedo, Sabrina Mezzaqui, Marzia Migliora, Nino Migliori, Nunzio, Luigi Ontani, Mimmo Paladino, Giulio Paolini, Perino & Vele, Michelangelo Pistoletto, Tamara Repetto, Pietro Ruffo, Ettore Spalletti, The Cool Couple, Eugenio Tibaldi, Fabio Viale.

Ko‘rgazmaning katalogida har bir rassomning asarlari haqida batafsil yoritilgan. Ular italyan va ingliz tillarida berilgan, bundan tashqari, rus hamda o‘zbek tillarida risola taqdim etildi.