Ипак йўли. Асрлар давомида минтақаларни ўзаро боғлаган ушбу йўл ҳозирда илҳом манбаи бўлиб хизмат қилмоқда.

Тошкентда «Ипак йўли. Италия замонавий санъати ва рассомлари» замонавий санъат кўргазмаси бўлиб ўтди. Кўргазма ҳаёт моҳиятини англашга бағишланган ва у яқин тарихдаги италянча бадиий ғояларни ўзида ифодалайди. У 38 та юқори даражадаги санъат асаридан ташкил топган ва улардан саккизтаси Фарнезина коллекциясига тегишлидир.

Асарлар Римдаги Ташқи ишлар вазирлигида намойиш этилган. Кўргазма Ипак йўлининг қадимий карвон йўлларини мукаммал тарзда такрорлайди — Киев, Анқара, Тбилиси ва Тошкентдан ўтиб, Хитойнинг Пекин, Чунцин, Сиан манзилларига етиб боради. Бу йўналиш 2022 йилда Хитойда «Италия-Хитой маданияти ва туризми» йили доирасидаги байрамона тадбири билан якунланади.

Кўргазма 2021 йил 15 декабр куни Тошкент шаҳрида, Ўзмиллийбанкнинг Ўзбекистон тасвирий санъат галереясининг муҳташам залларида санъат мухлисларига ўз эшигини очди.

Кўргазмада асарлари тақдим этилган рассомлар:

Carla Accardi, Marisa Albanese, Yuri Ancarani, Francesco Arena, Enrico Baj, Gabriele Basilico, Bianco-Valente, Alighiero Boetti, Diego Cibelli, Gianni Dessì, Pamela Diamante, Flavio Favelli, Eugenio Giliberti, Paolo Grassino, Emilio Isgrò, Francesco Jodice, Mimmo Jodice, Jannis Kounellis, Maria Lai, Luigi Mainolfi, Domenico Antonio Mancini, Umberto Manzo, Masbedo, Sabrina Mezzaqui, Marzia Migliora, Nino Migliori, Nunzio, Luigi Ontani, Mimmo Paladino, Giulio Paolini, Perino & Vele, Michelangelo Pistoletto, Tamara Repetto, Pietro Ruffo, Ettore Spalletti, The Cool Couple, Eugenio Tibaldi, Fabio Viale.

Кўргазманинг каталогида ҳар бир рассомнинг асарлари ҳақида батафсил ёритилган. Улар италян ва инглиз тилларида берилган, бундан ташқари, рус ҳамда ўзбек тилларида рисола тақдим этилди.