Prezident huzuridagi Tadbirkorlik sub’yektlarining huquqlari va qonuniy manfaatlarini himoya qilish bo‘yicha vakil devoni Toshkent viloyati hududiy sho‘’basi  tomonidan Farmatsevtika tarmog‘ini rivojlantirish Agentligi bilan hamkorlikda  amaliy seminar o‘tkazildi.

Seminar O‘zbekiston Respublikasi Prezidentining 20.01.2024 yildagi "Farmatsevtika sohasini tartibga solish bo‘yicha qo‘shimcha chora-tadbirlar to‘g‘risida"gi  Farmoni mohiyatini sohani nazorat qiluvchi organi xodimlari va  tadbirkorlarga yetkazish maqsadida tashkil etilgan. 

Farmonga muvofiq joriy yil 1-iyuldan boshlab dori vositalari va tibbiy buyumlarni tayyorlovchi, ulgurji hamda chakana realizatsiya qiluvchi tashkilotlar aholini sifati, xavfsizligi va samaradorligi kafolatlangan dori vositalari va tibbiy buyumlar bilan ta’minlash uchun mas’ul bo‘lgan tashkilot sifatida e’tirof etilishi  hamda ularga nisbatan davlat nazoratini amalga oshirishning alohida qoidalari belgilangan bo‘lib seminar ishtirokchilariga nazorat qiluvchi organlarning  huquq va majburiyatlari bo‘yicha shu jumladan tadbirkorlik subektlarda tekshirish o‘tkazish  tartibi va muddatlari bo‘yicha tushuntirishlar berildi.

O‘zbekiston Respublikasi Prezidenti huzuridagi Tadbirkorlik sub’yektlarining huquqlari va qonuniy manfaatlarini himoya qilish bo‘yicha vakil devoni tomonidan bu yo‘nalishdagi targ‘ibot va tushuntirish ishlari davom ettirilmoqda.