Android qurilmalar uchun Xabar.uz mobil ilovasi. Yuklab olish ×

Shavkat Mirziyoyevning yangi qarori ommaga e’lon qilindi

Shavkat Mirziyoyevning yangi qarori ommaga e’lon qilindi

Foto: Prezident matbuot xizmati.

«Nizomiy nomidagi Toshkent davlat pedagogika universiteti faoliyatini takomillashtirish bo‘yicha qo‘shimcha chora-tadbirlar to‘g‘risida»gi Prezident qarori (PQ–290, 21.06.2022-y.) qabul qilindi.

Qarorga ko‘ra, 2023-yildan Nizomiy nomidagi Toshkent davlat pedagogika universitetiga akademik, tashkiliy va moliyaviy mustaqillik beriladi.

2024/2025 o‘quv yilida tajriba-sinov tariqasida Universitetning pedagogika ta’lim yo‘nalishlariga qabul jarayonlari ikki bosqichda – dastlabki imtihon va kirish test sinovlari orqali amalga oshiriladi.

Bunda:

- dastlabki imtihon va kirish test sinovlari DTM tomonidan o‘tkaziladi;
- dastlabki imtihon doirasida abituriyentlarning pedagogik kasbga moyilligi o‘rganiladi;
- kirish test sinovlarida qatnashishga faqat dastlabki imtihondan muvaffaqiyatli o‘tgan abituriyentlarga ruxsat etiladi.

2024-yil 1-yanvarga qadar:

- Universitet faoliyatida «Oliy ta’lim jarayonlarini boshqarish» axborot tizimini to‘liq joriy etiladi;

- Universitetning ilmiy jurnalini Scopus, Web of Science yoki boshqa xalqaro ma’lumotlar bazalariga kiritiladi.

2023-yil 1-martgacha umumiy o‘rta ta’lim muassasalaridagi ilg‘or o‘qituvchilarning ochiq darslarini onlayn platformalar orqali namoyish qilish va ularning muhokamasini tashkil etish amaliyotini joriy qilinadi.

Izohlar

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring