Путин фронтда қанча аскар жанг қилаётганини айтди
Россия президенти Владимир Путин Украинадаги урушда 600 мингга яқин россиялик аскар борлигини айтди.
Бу ҳақда у жанговар ҳаракатларда қатнашаётган талабалар билан суҳбат чоғида айтиб ўтди, деб ёзади «ТАСС».
«Эҳтимол, бу масалада қўшимча эътибор ва ечимларни талаб қиладиган муаммолар мавжуд; ҳар доим ниманидир тўғирлаш керак, чунки жанговар ҳаракат зонаси катта - деярли 2 минг км ва жанговар зонада 600 мингдан ортиқ одам бор. Механизм жуда катта», — деган Путин («ТАСС» иқтибоси).
Путин аввал ҳам худди шундай рақамларни тилга олган эди. Ўтган йил охирида бўлиб ўтган тўғридан-тўғри мулоқотда у уруш зонасида 617 минг рус қўшинлари борлигини айтди. Украина разведкаси эса бу фактни инкор этиб, Россия қўшинлари сони 400 мингдан ошишини маълум қилганди.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter