Qurbon hayiti kunlarida harorat ko‘tariladi
O‘zbekiston bo‘yicha 2024 yil 14-18 iyun kunlariga ob-havo prognozi taqdim etildi.
Ertaga O‘zbekiton hududi bo‘yicha havo asosan kam bulutli bo‘ladi, yog‘ingarchilik kutilmaydi. Respublika hududining katta qismida 32-35 daraja atrofida bo‘lgan juda qulay havo harorati kuzatiladi. Faqat respublikaning shimolida, janubida va cho‘l hududlarida kunduz kunlari havo 37-39 darajagacha isiydi.
16-18 iyun — Qurbon hayiti bayrami kunlarida respublika hududi bo‘yicha yog‘ingarchiliksiz ob-havo saqlanib turadi, havo harorati hududning katta qismida 36-39o gacha, shimolda, janubda va cho‘l hududlarda 40-41o gacha ko‘tariladi.
Respublikaning tog‘li hududlarida 17-18 iyun kunlari kechga tomon ba’zi joylarda mahalliy xususiyatga ega bo‘lgan qisqa muddatli yomg‘ir yog‘ishi, momaqaldiroq bo‘lishi mumkin.
Sharqiy yo‘nalishdagi shamol 9-14 m/s tezlikda esadi, 18 iyunda ba’zi joylarda 15-20 m/s gacha kuchayishi, ayrim joylarda chag-to‘zonlar bilan kuzatilishi mumkin.
Poytaxtimizda: 14-15 iyunda havo asosan kam bulutli bo‘ladi, yog‘ingarchilik kutilmaydi. Harorat 32-35 daraja bo‘ladi.
16-18 iyun kunlari havo biroz bulutli, vaqti-vaqti bilan o‘zgaruvchan bo‘ladi, yog‘ingarchilik kutilmaydi. Harorat 35-38o bo‘ladi. Shamol sharqdan 5-10 m/s tezlikda esadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter