Samarqandda er-xotinning «ulfatchiligi» qotillik bilan tugadi (foto)
2020 yilning 22 mart kuni soat 20.00 larda Samarqand viloyati, Oqdaryo tumani «Qorateri» qishlog‘ida joylashgan «Ov Yog‘dusi IKV» fermer xo‘jaligi ishchisi 59 yoshli T.M., norasmiy turmush o‘rtog‘i, 50 yoshli Z.U., bilan birgalikda spirtli ichimlik ichib, rashq oqibatida o‘zaro janjallashib, Z.U.,ni boshi va badanining turli joylariga urib-tepib jarohat yetkazgan.
Natijada Z.U., olgan tan jarohatlari bilan shu yerda yotib qolib, 23 mart soat 02.00 larda voqea joyida vafot etgan.
Mazkur holat yuzasidan Oqdaryo tumani IIB huzuridagi Tergov bo‘limi tomonidan O‘zbekiston Respublikasi Jinoyat kodeksining 104-moddasi 3-qismi «d» bandi (odam o‘limiga olib kelgan qasdan badanga og‘ir shikast yetkazish) bilan jinoyat ishi qo‘zg‘atilgan. T.M., gumon qilinuvchi tariqasida jalb qilingan va protsessual tartibda ushlangan. Hozirda dastlabki tergov harakatlari davom etmoqda.
O‘zbekiston Respublikasi IIV huzuridagi Tergov departamenti
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter