Shavkat Mirziyoyev Turkmanistonga boradi
O‘zbekiston Respublikasi Prezidenti Shavkat Mirziyoyev amaliy tashrif bilan Turkmanistonga boradi.
Prezident Turkman xalqining milliy yetakchisi, Turkmaniston Xalq Maslahati Raisi Gurbanguli Berdimuhamedovning taklifiga binoan 22-avgust kuni "Ozarbayjon - Turkmaniston - O‘zbekiston" formatidagi uch tomonlama sammitda ishtirok etadi.
"Avaza" milliy sayyohlik zonasida bo‘lib o‘tadigan tadbir kun tartibiga muvofiq, ko‘p tomonlama hamkorlikni, eng avvalo, savdo-iqtisodiy, transport-kommunikatsiya, energetika va gumanitar sohalarda rivojlantirish masalalari ko‘rib chiqiladi. Qator qo‘shma hujjatlar imzolanishi ko‘zda tutilgan.
Davlatimiz rahbari sammit doirasida ikki tomonlama muzokaralar ham o‘tkazadi.
Eslatib o‘tamiz, 4-6-avgust kunlari ham prezident ushbu mamlakatda bo‘lgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter