Sud Nazarboyevning jiyaniga nisbatan hukm e’lon qildi
![Sud Nazarboyevning jiyaniga nisbatan hukm e’lon qildi](http://static.xabar.uz/crop/2/1/720_460_95_2146633902.png)
Qozog‘iston Ichki ishlar vaziri Yerjan Sadenovning ma’lum qilishicha, mamlakat Milliy xavfsizlik qo‘mitasi raisining sobiq birinchi o‘rinbosari, respublika birinchi prezidenti Nursulton Nazarboyevning jiyani Samat Abish shartli jazoga hukm qilindi.
«Hukmda hammasi ko‘rsatilgan, ya’ni u mamlakatni tark etmasligi, shu yerda, yashash joyida bo‘lishi kerak», — dedi Sadenov.
Tengrinews.kz nashrining xabar berishicha, Abish 8 yillik shartli qamoq jazosiga hukm qilingan. Bunga Qozog‘istonda 2022-yil yanvar oyida yuz bergan tartibsizliklar sabab bo‘lmoqda. Ish davlat siri mavjudligi sababli yopiq eshiklar ortida o‘tkazildi.
O‘tgan yilning iyul oyida Milliy xavfsizlik qo‘mitasi uning guvoh sifatida so‘roq qilingani, biroq Abishga nisbatan jinoyat ishlari milliy xavfsizlik organlari tomonidan ro‘yxatga olinmagani va hech qanday ehtiyot chorasi ko‘rilmagani haqida xabar bergan edi. Joriy yilning yanvar oyida Bosh prokuratura Samat Abishga nisbatan ish sudga yuborilgani haqida xabar bergan edi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter