Sutni me’yordan ortiq iste’mol qilish yurak xurujiga sabab bo‘lishi mumkin
![Sutni me’yordan ortiq iste’mol qilish yurak xurujiga sabab bo‘lishi mumkin](http://static.xabar.uz/crop/1/4/720_460_95_1447927374.jpg)
Ortiqcha iste’mol qilingan sut qondagi kalsiy miqdorini oshirib, qon tomirlariga zarar yetkazishi va yurak xurujiga olib kelishi mumkin. Bu haqda «Doktor Piter» nashriga endokrinolog va terapevt Yelena Kiselyova ma’lum qildi.
Sog‘lom odam kuniga bir yoki ikki stakan sut ichishi mumkin, dedi Kiselyova. Sut mahsulotlari kalsiyning asosiy manbai bo‘lib, yoshga qarab kuniga 800 dan 1200 mg gacha kerak bo‘ladi. Ushbu me’yorni bir yoki ikki stakan sut va bir parcha pishloq bilan to‘ldirish mumkin.
Dalillar shuni ko‘rsatadiki, kalsiy kam yog‘li ovqatlardan yaxshiroq so‘riladi. Bundan tashqari, uning suyaklarga kirib borishi uchun oziq-ovqat tarkibida fosfor, magniy, D va K2 vitaminlari bo‘lishi kerak. Agar ular yetishmasa, kalsiy qon tomirlari devorlariga joylashib, ularning torayishi va qon bosimining oshishiga olib keladi.
Oqibatda o‘tkir miokard infarkti va insult paydo bo‘lishi mumkin. Sut mahsulotlaridagi hayvonlarning yog‘lari ham tomirlarning torayishi, ko‘p skleroz va demensiyaga sabab bo‘ladi, deya qo‘shimcha qildi shifokor.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter